Азҵаара рыҭара

Аԥснытәи ахәынҭқарратә университет наунагӡа даԥхеит аҵарауаҩ-абиблиограф Шь.С. Гәарамиа.

86 шықәса дшырҭагылаз лыԥсҭазаара далҵит иҳаракӡоу аквалификациа змаз абиблиотекаусзуҩы-абиблиограф, Аԥсны акультура зҽаԥсазтәыз аусзуҩы, «Ахьӡ-Аԥша» аорден III аҩаӡара занашьаз Шьулиа Самсон-иԥҳа Гәарамиа. 

Н. Крупскаиа лыхьӡ зхыз Ленинградтәи абиблиотекатә институт аушьҭымҭа Шь.С. Гәарамиа 1957 ш. раахыс А. Горки ихьӡ зхыз Аҟәатәи аҳәынҭқарратә арҵаҩратә ҵараиурҭаҿы аус луан. 

1969 ш. Аԥснытәи аҳәынҭқарратә университет Д.И. Гәлиа ихьӡ зхыз аҭҵаарадырратә библиотека еиҳабыс аус зуаз, лыԥсҭазаара зегьы абиблиотека аусхк иазылкит.

Шьулиа Самсон-иԥҳа иаԥылҵеит ААУ абиблиотекаҿы Аԥсны Аџьынџьтәылатә еибашьраан иацәыӡыз, аԥсуа милаҭтә литература афонд.

Шь.С. Гәарамиа дравторын 10 инареиҳаны алитературатә рҿиамҭақәа.

Уи лгәалашәара еснагь иаанхоит дыздыруаз ауаа рыгәқәа рҟны.