Аԥснытәи аҳәынҭқарратә университет аҟны имҩаԥысит изаамҭанытәиу аректорат аилатәара. Уи аҟны зҵаара хаданы иқәгылан атәылаҿы ишьақәгылаз аепидемиологиатә ҭагылазаашьа аан аҵараиурҭаҿы аҵаратә процесс шымҩаԥысуа. Иахьазы ачымазара COVID-19 рцәа иалоуп 37-ҩык астудентцәеи 8-ҩык арҵаҩцәеи, 289 ахыхьчарахь идәықәҵоуп. Рҽырхәшәтәит 33-ҩык астудентцәеи 16-ҩык арҵаҩцәеи.

  Аилатәараҿы иазԥхьагәаҭан азшьатә ԥышәаратә сессиа амҩаԥагаразы еиҿкаатәу аусмҩаԥгатәқәа, иагьыҟаҵан аӡбамҭа актәи акурсқәа рҟны акомиссиа алархәны аԥышәарақәа рымҩаԥгара. Ҷыдала иазгәаҭан асанитартә-епидемиологиатә ԥқрақәа рырӷәӷәара шаҭаху.