Аԥснытәи аҳәынҭқарратә университет аҟны ихацыркуп есышықәсатәи изаамҭанытәиу аҭоурыхтә факультет апрофессор-рҵаҩратә еилазаара рыҭҵаарадырратә конференциа. Аҭоурыхтә факультет адекан Алик Габелиа аконференциа аартуа, афакультет аусзуҩцәа ирыдиныҳәалеит сынтәатәи ашықәс иалакӡаны 3-ҩык арҵаҩцәа аҭоурыхтә ҭҵаарадыррақәа ркандидатцәа ҳәа ахьӡ ахьранашьахаз.

Аконференциа рхы аладырхәит аауаажәларратә усзуҩы Ахра Смыр, аҭоурыхтә факультет астудентцәа.

Атемақәа ирымҽхаркуаз ахырхарҭақәа ҭбаан: археологиа, аетнологиа, аҭоурых, адин. Аамҭала иугозар - ажәытәӡатәи аамҭа инаркны иахьанӡа.

Апрограммаҿы 11-ҩык арбан, урҭ рахьтә ажәахәқәа ҟарҵеит 9-ҩык аҵарауа:

Адоцент В.В. Аҩӡба «Некоторые ментальные установки абхазов, связанные с потусторонним миром (по фольклорным и этнографическим материалам)»; А.Н.Габелиа «Милет – метрополия античных городов Восточного Причерноморья (Абхазии)»; архимандрит, атеологиатә ҭҵаарадыррақәа рдоктор «Малоизвестные события из древней истории Пицунды»; адоцент Н.В. Касланӡиа «Проблемы престолонаследия в Абхазском царстве во второй половине IX века»; арҵаҩы Е.Р. Нишаниан «К вопросу о социально-экономических отношениях в средневековом абхазском обществе»; адоцент М.Б. Кәыҵниа «Религиозный фактор в истории Абхазии (первая половина XIX века)»; адоцент С.Ш. Салаҟаиа «Абхазские владетельные князья как проводники влияния Россиской империи на Кавказе»; арҵаҩы И.В. Агрба «Роль экономического фактора в политической борьбе за Абхазию в 1917-1921 гг.»; арҵаҩы еиҳабы Џь.Џь.Инџьгиа «О трансформационных особенностях абхазского уклада жизни (вторая половина XIX – начало 1930-х гг.)».

Аусмҩаԥгатә аҳәаақәа ирҭакӡаны ажәахәҟаҵаҩцәа ишьҭырхыз атемақәа гәылзырҭәаауаз азҵаарақәа рырҭон уи алахәылацәа.