73-шықәса дшырҭагылаз иԥсҭазаарат далҵит азинхьчаҩ, аполитик, зыхьӡ нагоу ауаажәларратә усзуҩ, "Ахьӡ-Аԥша" аорден III аҩаӡара занашьоу, Аԥсны Жәлар рпартиа ахантәаҩы, Аԥсны азиндырра иреиҳау арҵара аиҿкааҩцәа иреиуоу, ААУ аҟны аҭоурых-зиндырратә факультет аҟны рҵаҩыс аус зуаз Иакәыԥ Уасил-иԥа Лакоба. Аԥснытәи аҳәынҭқарратә университет аректорати, апрофессор-рҵаҩратә еилазаареи гәалсра дула ирыдышшылоит Иакәыԥ Уасил-иԥа иҭаацәеи, иуацәеи, иҭынхацәеи. Уи игәалашәара лаша дыздыруаз зегьы ҳгәаҵаҿы иаанхоит.